راولپنڈی - ڈی جی آئی ایس پی آر لیفٹیننٹ جنرل احمد شریف چودھری نے بتایا ہے کہ بھارت نے پاکستان میں 3 ائر بیسز پر میزائل داغےہیں، بھارت نے افغانستان پر بھی میزائل اور ڈرون حملے کیے-

ڈی جی آئی ایس پی آر نے رات گئے پریس بریفنگ میں بتایا کہ دشمن بھارت نے رات گئے طیاروں سے نورخان ائربیس، مرید بیس اور شورکوٹ بیس کو نشانہ بنایا، بھارت نے طیاروں کے ذریعے فضا سے زمین پر مار کرنےوالے میزائل داغے۔

ڈی جی آئی ایس پی آر کا کہنا ہے کہ بھارت نے کئی میزائل فائر کیے تھے، زیادہ تر بھارتی میزائلوں کو پاکستان کے ائر ڈیفنس سسٹم نے تباہ کردیا اور کچھ میزائل ائر بیسز پر گرے، جن سے اثاثوں کو نقصان نہیں پہنچا ہے. بھارتی حملے کو ناکام بنایا گیا ہے.

ڈی جی آئی ایس پی آر نے کہا کہ بھارت اپنی مکاری سے پورےخطے کو جنگ کی طرف دھکیل رہاہے، بھارت ہمارے جواب کا انتظار کرے ہمارا جواب جلد آئے گا.

ترجمان پاک فوج کا کہنا ہے کہ بھارت نے افغانستان پر بھی میزائل داغے ہیں اور ڈرون حملہ بھی کیا ہے، بھارت پورے خطے کو جنگ کی طرف دھکیل رہا ہے۔

ترجمان پاک فوج نے کہا کہ پاکستانی قوم بھارت کی مکاری اور جارحیت سے مرعوب ہونے والی نہیں۔ دوسری جانب راولپنڈی میں عوام سڑکوں پر نکل آئے اور پاک فوج اور پاکستان زندہ باد کے نعرے لگاتے رہے.

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ