اسلام آباد - وزیراعظم عمران خان کا کہنا ہے کہ جب الیکشن کا اعلان کردیا تو اپوزیشن سپریم کورٹ میں کیا کر رہی ہے؟ اپوزیشن این آر او ٹو چاہ رہی ہے۔ قوم سے براہ راست ٹیلی فونک گفتگو میں وزیراعظم عمران خان کا کہنا تھا کہ  جب تک ملک کا سوچنے والے پارلیمنٹ میں نہیں آئیں گے ملک ترقی نہیں کرسکتا ، اس مرتبہ ہم دیکھ بھال کر نظریاتی لوگوں کو ٹکٹ دیں گے، الیکشن لڑنے کا کافی تجربہ ہوچکا ہے، پہلے نہیں تھا۔

 وزیراعظم عمران خان کا کہنا تھا کہ ارکان خرید کر حکومت بنانا جمہوریت کی نفی ہے،  اپوزیشن ساڑھے تین سال سے کہہ رہی ہے کہ حکومت ناکام ہوگئی اور حکومت سلیکٹڈ ہے، ہم نے اپوزیشن  کے کہنے پر الیکشن کا اعلان کیا ہے۔

ان کا کہنا تھا کہ  اپوزیشن پر کرپشن کیسز ہیں،  اپوزیشن چاہتی ہے انہیں این آر او ٹو ملے، بیرونی سازش سے حکومت گرانے کی کوشش کی گئی، عوام کو اس پر احتجاج کرنا چاہیے،  آج ریڈ زون کے باہر عشاء کی نماز کے بعد ضمیر فروشی کے خلاف احتجاج ہوگا، میں بھی احتجاج میں شرکت کروں گا، لاہور میں بھی جس ہوٹل میں ضمیر کی خریدو فروخت ہورہی ہے اس کے باہر احتجاج کیا جائے۔

۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ