اسلام آباد - صدر آصف علی زرداری کی زیر صدارت قومی قیادت کے مشاورتی اجلاس میں صوبوں کے وزرائے اعلیٰ نے ملک بھر میں سمارٹ لاک ڈاؤن کی تجویز مسترد کرتے ہوئے کفایت شعاری اقدامات مزید سخت کرنے پر اتفاق کیا۔

اجلاس میں وزیر اعظم شہباز شریف، نائب وزیر اعظم اسحاق ڈار، بلاول بھٹو زرداری سمیت اعلیٰ سیاسی و عسکری قیادت نے شرکت کی۔

ذرائع کے مطابق صوبوں نے لاک ڈاؤن نہ لگانے کی سفارش کی جبکہ توانائی بچت اقدامات پر مکمل عملدرآمد اور 254 ارب روپے کے ریلیف پیکج میں صوبائی شمولیت پر زور دیا گیا۔

وزیر اعظم نے تیل کی قیمتیں بڑھانے کی تجاویز مسترد کرتے ہوئے سرکاری اخراجات میں کمی اور 60 فیصد سرکاری گاڑیاں فوری بند کرنے کا فیصلہ کیا، جبکہ بچت کو عوامی ریلیف پر خرچ کرنے کا اعلان کیا۔ اجلاس میں مہنگائی، توانائی بحران اور علاقائی سکیورٹی صورتحال کا بھی جائزہ لیا گیا۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ