کراچی - وزیراعظم عمران خان نے کہا ہے کہ میں تو خود اللہ سے تحریک عدم اعتماد کی دعائیں مانگ رہا تھا اور اب اپوزیشن جال میں پھنس گئی ہے۔ عمران خان نے گورنر ہاؤس کراچی میں تقریب سے خطاب کرتے ہوئے کہا کہ تحریک عدم اعتماد اپوزیشن کی سیاسی موت ہے، چوروں کی موت آئی ہے جو تحریک عدم اعتماد پیش کی ہے، ڈاکوؤں کے گلدستے کو خوف آناشروع ہوگیا، انہیں نہیں پتہ ہم نے کتنے بڑے بڑے چیلنجز کا سامنا کیا، اپوزیشن والوں نےوہ کام کیا جس کی میں خود اللہ سے دعا مانگ رہاتھا، کہ کسی طرح ان کی گردن میرے ہاتھ آجائے، اپوزیشن نہ صرف جال میں پھنس گئی ہے، بلکہ کپتان نےاگلی تیاری بھی کررکھی ہے، عدم اعتماد کی ناکامی کے بعد میں ان کےپیچھے جاؤں گا۔

وزیراعظم نے کہا کہ عالمی منڈی میں قیمتیں بڑھنے کےباوجودپٹرول اورڈیزل کی قیمت کوکم کیا، پاکستان میں پٹرول اورفضل الرحمان دبئی سےزیادہ سستاہیں، عدم اعتماد اپوزیشن کی سیاسی موت ہے، ڈاکوؤں،چوروں کیخلاف 25 سال سے جدوجہد اور جہاد کر رہا ہوں، ڈاکواورچورکہتےتھے آج عدم اعتمادکریں گے،کل کریں گے، حکومت آج گئی کل گئی، میں نےان سےآگےکاسوچ لیا، پہلے میرےہاتھ بندھےہوئےتھے، لیکن اب زنجیر کھل جائے گی، اب میں ان کونہیں چھوڑوں گا۔

ایم این اے سے کہا آصف زرداری سے 20 کروڑ لیکر خیرات کردیتے- عمران خان کا کہنا تھا کہ میراپہلاہدف آصف زرداری ہے ، اس کاوقت آگیاہے، وہ میری بندوق کے نشانے پر بڑی دیر سے آیا ہوا تھا، آصف زرداری پیسوں کاٹوکرالیکرگھوم رہے ہیں، لوگوں کوخریدرہےہیں، سندھ کےلوگ ڈاکو زرداری سےنجات چاہتےہیں، اگلی باری اندرون سندھ کادورہ کرنے آ رہاہوں، میرےایک ایم این نےکہا آصف زرداری نے 20 کروڑ کی پیشکش کی ہے، میں نےکہا حرام کا پیسہ ہے آپ لےلیتے، کوئی خیراتی فلاحی کام میں استعمال کرتے، مقصود چپڑاسی والاکون ہے؟ شہباز شریف بوٹ پالیشیے کوبھی نہیں چھوڑوں گا، فضل الرحمان کومولانانہیں کہوں گا، فضل الرحمان کےپاس اربوں کیسے آئے؟ کام تو کوئی کرتا نہیں۔ انہوں نے مزید کہا کہ آصف زرداری خدا کے واسطے بلاول کواردو سکھادیں، بلاول بھٹو کو یہ بھی پتہ نہیں لڑکی آتی ہے یا آتا ہے؟۔

۔۔۔۔۔۔۔۔۔۔۔۔۔۔۔۔

نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ