لاہور — پاکستان کرکٹ بورڈ (پی سی بی) نے فاسٹ بولر نسیم شاہ کو ضابطہ اخلاق کی خلاف ورزی کا مرتکب قرار دیتے ہوئے ان پر 2 کروڑ روپے جرمانہ عائد کر دیا ہے۔

پی سی بی حکام کے مطابق نسیم شاہ نے سینٹرل کنٹریکٹ کی شرائط کی خلاف ورزی کی، جس کی بنیاد پر انہیں قصوروار ٹھہرایا گیا۔

بورڈ کی جانب سے نسیم شاہ کے سوشل میڈیا ایڈوائزر کو بھی برطرف کر دیا گیا ہے، جبکہ کھلاڑی نے پی سی بی کی ڈسپلنری کمیٹی کے سامنے پیش ہو کر معافی بھی مانگی۔

واضح رہے کہ چند روز قبل نسیم شاہ کے آفیشل ایکس (سابقہ ٹوئٹر) اکاؤنٹ سے ایک ٹویٹ وائرل ہوئی تھی، جس میں وزیر اعلیٰ پنجاب مریم نواز پر تنقید کی گئی تھی۔

مریم نواز مذکورہ میچ میں مہمانِ خصوصی کے طور پر شریک تھیں اور شائقین کے داخلے پر پابندی کے باوجود اپنے خاندان کے ہمراہ اسٹیڈیم میں موجود تھیں، جس پر سوشل میڈیا پر بھی مختلف ردعمل سامنے آیا۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ