ایران کے سپریم لیڈر مجتبیٰ خامنہ ای

تہران - ایران کے  سپریم لیڈر مجتبیٰ خامنہ ای نے اپنے والد اور سابق سپریم لیڈر آیت اللہ سید علی خامنہ ای کے چہلم کے موقع پر قوم سے خطاب کرتے ہوئے اعلان کیا ہے کہ ایران اپنے قائد اور دیگر شہداء کے خون کے ایک ایک قطرے کا بدلہ لینے کے لیے پُرعزم ہے۔

سرکاری ٹی وی پر پڑھے گئے اپنے تحریری بیان میں انہوں نے واضح کیا کہ اس جنگ میں دشمن کو گھٹنے ٹیکنے پر مجبور کر دیا گیا ہے اور حتمی فتح ایران ہی کی ہے۔

مجتبیٰ خامنہ ای نے جنوبی پڑوسی ممالک کو مخاطب کرتے ہوئے کہا کہ وہ "شیطان" (امریکہ و اسرائیل) کے جھوٹے وعدوں سے بچیں اور ایران کے بڑھتے ہوئے قدموں کو ایک معجزے کے طور پر دیکھیں۔

ضرور پڑھیں: آیت اللہ خامنہ ای کا چہلم: ایران بھر میں لاکھوں افراد کے بڑے اجتماعات

انہوں نے خبردار کیا کہ ایران تمام مزاحمتی محاذوں کو ایک متحد وجود سمجھتا ہے، ہم جنگ نہیں چاہتے لیکن اپنے حقوق سے کسی صورت دستبردار نہیں ہوں گے۔ انہوں نے مزید کہا کہ ہم اب بھی اپنے پڑوسیوں سے مثبت ردعمل کے منتظر ہیں تاکہ برادرانہ تعلقات کو آگے بڑھایا جا سکے۔

ایرانی سپریم لیڈر نے ایک اہم عسکری اشارہ دیتے ہوئے کہا کہ ایران اب آبنائے ہرمز (Strait of Hormuz) کے انتظام کو ایک نئے اور فیصلہ کن مرحلے میں داخل کرے گا، تاہم انہوں نے اس نئی حکمتِ عملی کی تفصیلات ظاہر نہیں کیں۔

انہوں نے عوام سے اپیل کی کہ وہ سڑکوں پر اپنی موجودگی کو اسی طرح برقرار رکھیں جیسے گزشتہ 40 دنوں سے جاری ہے۔ یاد رہے کہ 28 فروری کو اسرائیلی حملے میں آیت اللہ خامنہ ای کی شہادت کے بعد ان کے صاحبزادے مجتبیٰ خامنہ ای کو نیا سپریم لیڈر منتخب کیا گیا تھا۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ