وفاقی وزیر اطلاعات عطا اللہ تارڑ نے کہا ہے کہ پاکستان قومی مفاد پر کسی قسم کا سمجھوتہ نہیں کرے گا اور خطے میں امن کے قیام کے لیے اپنا کردار جاری رکھے گا۔

ان کے مطابق پاکستان عالمی سطح پر ایک ذمہ دار ملک کے طور پر ابھر رہا ہے اور علاقائی کشیدگی کے باوجود سفارتی سطح پر امن کے لیے کوششیں جاری ہیں۔ شہباز شریف کی قیادت میں امن کے اقدامات کو عالمی پذیرائی مل رہی ہے۔

انہوں نے کہا کہ جمہوری نظام میں اختلافِ رائے کا حق ہے، تاہم قومی مفاد اور ریاستی وقار کو مقدم رکھنا ضروری ہے۔

عطا تارڑ نے پاکستان تحریک انصاف پر تنقید کرتے ہوئے کہا کہ بعض اقدامات سے ملکی معیشت کو نقصان پہنچ سکتا تھا۔ ان کا کہنا تھا کہ کوئی بھی فرد یا جماعت ریاست سے بالاتر نہیں۔

انہوں نے عزم ظاہر کیا کہ پاکستان علاقائی امن اور استحکام کے لیے اپنی کوششیں جاری رکھے گا۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ