لندن - برطانوی وزیراعظم کیئر اسٹارمر نے واضح کیا ہے کہ برطانیہ کسی بھی صورت ایران اور امریکا کے درمیان ممکنہ جنگ یا مسلح تصادم کا حصہ نہیں بنے گا۔

میڈیا سے گفتگو کرتے ہوئے برطانوی وزیراعظم کیئر اسٹارمر نے کہا کہ یہ جنگ برطانیہ کی جنگ نہیں ہے اور نہ ہی اس تنازع سے ملک کا کوئی براہِ راست تعلق ہے۔ انہوں نے دوٹوک الفاظ میں کہا کہ ان کی پہلی اور آخری ترجیح صرف برطانیہ اور اس کے عوام کا مفاد ہے۔

وزیراعظم نے زور دیا کہ چاہے کسی بھی جانب سے کتنا ہی دباؤ یا درخواست سامنے آئے، برطانیہ اس جنگ میں شامل نہیں ہوگا۔ انہوں نے اعتراف کیا کہ ایران اور امریکا کے درمیان بڑھتی ہوئی کشیدگی سے عالمی معیشت کو نقصان پہنچ رہا ہے، تاہم برطانوی حکومت کا پورا فوکس اپنے ملک کی حفاظت اور معاشی استحکام پر ہے۔

کیئر اسٹارمر کا مزید کہنا تھا کہ ان کی حکومت اس وقت پرسکون اور واضح قیادت فراہم کرنے پر توجہ دے رہی ہے۔ انہوں نے عوام کو یقین دلایا کہ ہر حال میں عوامی سلامتی، قومی مفادات اور ملک کے تحفظ کو یقینی بنایا جائے گا اور کسی بھی بیرونی تنازع کی قیمت پر ملکی مفاد پر سمجھوتہ نہیں کیا جائے گا۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ