اسلام آباد . وزیراعظم عمران خان نے پیٹرولیم مصنوعات کی قیمتوں میں کمی کی ہدایت کردی۔ وزیراعظم عمران خان نے پیٹرول کی فی لیٹر قیمت میں پانچ روپے کمی کی منظوری دی، جس کے بعد آئندہ پندرہ روز کے لیے فی لیٹر پیٹرول 140 روپے 82 پیسے میں فروخت کیا جائے گا۔

اے آر وائی نیوز کے مطابق اسی طرح آئندہ پندرہ روز کے لیے ہائی اسپیڈڈیزل کی قیمت میں بھی5روپے، مٹی کے تیل کی قیمت میں 7 روپے، لائٹ ڈیزل کی قیمت میں 7 روپے ایک پیسے کمی کی گئی ہے۔

کمی کے بعد فی لیٹر ہائی اسپیڈ ڈیزل کی قیمت 137.62روپے، مٹی کےتیل کی قیمت 109.53روپے، لائٹ ڈیزل کی قیمت 107.06 روپے فی لیٹر ہو جائے گی۔ محکمہ خزانہ کے مطابق نئی قیمتوں کا اطلاق پندرہ سمبر کی رات بارہ بجے سے یکم جنوری تک کے لیے ہوگا۔

یاد رہے کہ ایک روز قبل آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں سے متعلق سمری وزارت خزانہ کو ارسال کی تھی، جس میں عالمی مارکیٹ میں ہونے والی کمی کا تذکرہ بھی کیا گیا تھا۔

عالمی مارکیٹ میں گزشتہ پندرہ روز کے دوران پٹرولیم مصنوعات کی قیمتیں کم ہوکر فی بیرل 74 ڈالر ز تک پہنچ گئیں، گزشتہ ماہ کی نسبت پٹرولیم مصنوعات کی قیمتوں میں 10 فیصد تک کمی آئی۔

حکومت نے عالمی منڈی میں قیمتیں کم ہونے اور ٹیکس لیوی کی شرح کا جائزہ لینے کے بعد ہی نئی قیمتوں کا تعین کیا ہے۔ میڈیا کا یہ بھی کہنا تھا کہ اوگرا نے پٹرولیم مصنوعات کی قیمتوں میں 8 سے 10 روپے فی لیٹر تک کمی کی سفارش کی تھی۔

۔۔۔۔۔۔۔۔۔۔۔۔۔۔۔۔۔۔

نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ