Thursday, 20 January, 2022
حکومت کی ناقص پالیسیوں نے عوام کی زندگی اجیرن کر دی، علامہ شبیر میثمی

حکومت کی ناقص پالیسیوں نے عوام کی زندگی اجیرن کر دی، علامہ شبیر میثمی

اسلام آباد . شیعہ علما ءکونسل پاکستان کے مرکزی سیکرٹری جنرل علامہ شبیر حسن میثمی نے کہا ہے کہ حکومت کی ناقص پالیسیوں نے عوام کی زندگی اجیرن کردی ہے ،ملک میں مہنگائی ،لاقانونیت اور بے روزگاری نے عوام سے سکھ چین چھین لیا ہے ۔ اس امر کا اظہار علامہ شبیر حسن میثمی نے نیشنل پریس کلب اسلام آباد میں ایک پروقار پریس کانفرنس سے خطاب کرتے ہوئے کیا۔

اس موقع پرشیعہ علماءکونسل پاکستان کے مرکزی نائب صدر علامہ عارف حسین واحدی ، مرکزی ایڈیشنل سیکرٹری جنرل علامہ سیدناظر عباس تقوی اورمرکزی سیکرٹری اطلاعات زاہد علی آخونزادہ بھی موجود تھے ۔ انہوں نے کہا کہ وطن عزیز پاکستان اس وقت تاریخ کے نازک ترین دور سے گزر رہا ہے۔ جہاں ایک طرف مہنگائی اپنے عروج پر ہے تو دوسری طرف ملک میں لاقانونیت کا راج ہے جبکہ حکمرانوں کی ناقص پالیسیوں کے باعث انسانی بنیادی شہری حقوق بری طرح سے پامال ہو رہے ہیں۔ حکمرانوں کی ناقص پالیسیوں کے نتائج نے عوام کی زندگی اجیرن کر دی ہے مگر حکمران عوام کو بیوقوف بنا رہے ہیں۔

انہوں نے کہا کہ ملک میں پٹرول کی قیمت میں پے در پے اضافے ایک طرف، کھانے پینے کی اشیاءسمیت ضروریات زندگی ہر فرد کی پہنچ سے باہر ہوتی جا رہی ہے، اس پر پرائیویٹ سیکٹر اور سرکاری اہلکاروں کی تنخواہوں میں کسی قسم کا اضافہ نہ ہونے کے باعث عوام کا جینا دوبھر ہو گیا ہے۔ عوام آئے روز مہنگائی کے خلاف سراپا احتجاج ہے۔ ایسے میں عوام کو ریلیف دینے، مہنگائی کے جن پر قابو پانے اور عوامی معیار زندگی بہتر بنانے کی بجائے حکمرانوں کی جانب سے "سب اچھا ہے" کی رٹ سے عوام یہ سوچنے پر مجبور ہیں کہ حکمرانوںکے پاس ان کی فلاح و بہبود کا کوئی پروگرام نہیں ہے۔علامہ شبیر حسن میثمی نے مزید کہا کہ گلگت بلتستان کو تمام آئینی حقوق دیئے جانے چاہیئں اور اس سے کم ہم کسی بھی قدم پر راضی نہیں ہونگے ۔ہماری جدوجہد جاری تھی جاری ہے اور ان کے تمام حقوق کے ملنے تک جاری رہے گی۔ کشمیریوں کے لیے خود ارادی فیصلہ کرنے کا حق دیا ہے یونائیٹڈ نیشن نے وہ ان کو ملنا چاہیئے۔شیعہ علماءکونسل پاکستان کے مرکزی سیکرٹری جنرل علامہ شبیر حسن میثمی نے کہا کہ مسنگ پرسنز کا مسئلہ ایک مثبت انداز میں آئین ،دستور اور قانون کے مطابق حل ہونا چاہیے اور اس میں تاخیر نقصان دہ ہوسکتی ہے۔ امید ہے انشاءا للہ لاپتہ افراد جلد اپنے گھر والوں سے ملیں گے۔ ان کی فیملیز ہمارے ساتھ مسلسل رابطے میں ہے اور یہ ہمارای قومی ذمہ داری ہے کہ ہم عوام کے اس اہم مسئلے پر آواز اٹھائیں۔ عزاداری سید الشہداءؑ پر ایف آئی آرز سے متعلق گفتگو کرتے ہوئے انہوں نے کہا کہ محرم الحرام میں ملک کے بیشتر مقامات پر منعقدہ مجالس و جلوس عزاءپر ایف آئی آرز کا اندراج عوام کے بنیادی شہری حقوق سلب کرنے کی واضح مثال ہے۔ ہم یہ واضح کرتے چلیں کہ اسلامی جمہوریہ پاکستان میں نواسہ رسول حضرت امام حسین علیہ السلام کا غم منانا آئینی شہری حق ہے اور عوام کو ان کے بنیادی شہری حقوق سے محروم کرنا حکومت ، انتظامیہ اور پولیس کا غیر آئینی، غیر قانونی و غیر اخلاقی اقدام ہے جس کی جتنی مذمت کی جائے کم ہے۔ ہم بارہا متنبہ کر چکے ہیں کہ ایسے غیر قانونی اقدامات سے باز رہنا چاہیے جو عوام میں اضطراب کا باعث ہوں ہم ایسے اقدامات کی بھر پور مذمت کرتے ہیں۔ ان کا کہنا تھا کہ یاد رکھیے کہ ایف آئی آرز اور فورتھ شیڈولز کیلئے گفتگو کے باب بند ہوتے جارہے ہیں اور احتجاج کے باب کھلنا شروع ہورہے ہیں۔ حکومت کو چاہیئے کہ عزاداری کے سلسلے میں ہر منفی قدم کو واپس لے اور پاکستان کے آئین و دستور کے مطابق تمام عزاداران حسینی کو حق ملے کہ وہ آزادی کے ساتھ عزاداری سید الشہداءؑ انجام دیں۔ ایسا نہ ہو کہ حکومت کے غلط اقدامات کی وجہ سے عزاداران حسینی کے پیمانے چھلک جائیں۔انہوں نے آئندہ بلدیاتی انتخابات میں بھرپور حصہ لینے کے عزم کا اعادہ کرتے ہوئے عوام سے اپیل کی کہ وہ بلدیاتی انتخابات میں شرکت کیلئے تیار رہیں ۔ انہوں نے کہاکہ ملک میں اگر ناجائزاملاک اور عمارتوں کیخلاف کارروائی کرنا مقصود ہے تو صرف کراچی ہی نہیں بلکہ پورے ملک میں بلاتفریق ناجائز بلڈنگز کے کیخلاف کارروائی عمل میں لائی جائے ، مخصوص عمارتوں کو گرانا بلا جواز ہے جس کے باعث شہریوں میں بے چینی اور مایوسی پھیل رہی ہے۔

علامہ شبیر حسن میثمی نے آخر میں کہا کہ شیعہ علماءکونسل پاکستان کے مرکزی اجلاس میں کیے گئے متعدد فیصلوں میں خبردار کرتے ہوئے کہا گیا ہے کہ اہل بست و کشاد ہوش کے ناخن لیں اور عزاداری سید الشہداء پر کی گئی ایف آئی آرز کو فوری واپس لیں اور آئندہ ایسے اقدامات سے بھی گریز کریں۔ جبکہ ملک میں مہنگائی کے خاتمے کو ممکن بنانے کے لیے ذخیرہ اندوزوں اور شوگر مافیا کے خلاف ایکشن لیا جائے، پٹرول کی قیمت میں اضافے کے تدارک سمیت آٹا و اجناس کی قیمتیں کم کر کے ضروریات زندگی کی مد میں عوام کو فوری ریلیف مہیا کیا جائے اور تنخواہوں میں اضافہ کر کے عوام میں پھیلی بے چینی اور اضطراب کی سی پائی جانے والی کیفیت دور کی جائے۔ ہم متنبہ کرتے ہیں کہ عوام کے صبر کا زیادہ امتحان نہ لیا جائے بصورت دیگر احتجاج کی جانب بڑھتے ہوئے عوامی سیلاب کے آگے موجودہ حکمرانوں کا تادیر ٹھہرنا ممکن نہیں رہے گا۔

۔۔۔۔۔۔۔۔۔۔۔۔۔۔۔۔۔۔۔

نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  44286
کوڈ
 
   
متعلقہ خبریں
وزیراعظم عمران خان نے سانحہ مری میں متعدد افراد کی اموات پر تحقیقات کا حکم دے دیا۔ میڈیا کے مطابق مری اور گلیات میں شدید برفباری اور ٹریفک جام کے باعث سردی سے ٹھٹھر کر مرنے والے افراد کی تعداد 21 ہوچکی ہے
پاک ایران سرحد پر دہشت گردوں کی جانب سے سیکیورٹی فورسز کی چوکی پرحملے کے نتیجے میں ایک جوان شہید ہوگیا تاہم جوابی کارروائی میں دہشت گردوں کوشدید نقصان پہنچا۔ میڈیا کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے
وزیراعظم عمران خان کا کہنا ہے کہ نائن الیون کے بعد اسلام اور دہشتگردی کیسے اکٹھے ہوگئے؟ لاہور میں تقریب سے خطاب کرتے ہوئے عمران خان کا کہنا تھا کہ اسلام اور دہشتگردی کا کوئی تعلق نہیں اور کوئی بھی مذہب دہشتگردی کی اجازت نہیں دیتا۔
وزیر اعظم عمران خان نے افغانستان کے عوام کے لیے انسانی ہمدردی کی بنیاد پر 5 ارب روپے کے امدادی پیکیج کی منظوری دے دی۔ میڈیا کے مطابق وزیر اعظم نے افغانستان کے لیے قائم ایپیکس کمیٹی کے اجلاس کی صدارت کی جس میں وزیر خارجہ شاہ محمود قریشی، مشیر خزانہ شوکت ترین، آرمی

مقبول ترین
نیشنل اسمال اینڈ میڈیم انٹر پرائزز (ایس ایم ای ڈی اے) پالیسی کے اجرا کی تقریب سے خطاب کرتے ہوئےکہا کہ صدی میں ایک مرتبہ ایسی صورتحال ہوتی ہے، عالمی مالیاتی ادارے (ڈبلیو ایچ او) سمیت دیگر اداروں نے تسلیم کیا
وزیراعلیٰ پنجاب سردار عثمان بزدار نے سانحہ مری کی تحقیقاتی رپورٹ کی روشنی میں 15 افسران کو معطل کرکے انضباطی کارروائی کا حکم جاری کردیا۔ میڈیا کے مطابق سانحہ مری کی تحقیقاتی کمیٹی نے وزیراعلیٰ پنجاب سردار عثمان بزدار
وزیراعظم عمران خان نے سانحہ مری میں متعدد افراد کی اموات پر تحقیقات کا حکم دے دیا۔ میڈیا کے مطابق مری اور گلیات میں شدید برفباری اور ٹریفک جام کے باعث سردی سے ٹھٹھر کر مرنے والے افراد کی تعداد 21 ہوچکی ہے
مری میں برفباری میں پھنسے 21 سیاح شدید سردی سے ٹھٹھر کر جاں بحق ہوگئے ہیں جبکہ وزیرداخلہ شیخ رشید نے فوج اور سول آرمڈ فورسز کو طلب کرلیا ہے۔ملک کے پُرفضا مقام مری میں شدید برف باری کے باعث ہزاروں سیاح پھنس کر رہ گئے

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں