اسلام آباد - وزیراعظم عمران خان نے تحریک انصاف کی نئی تنظیم کا اعلان کردیا۔ وفاقی وزیر اطلاعات فواد چوہدری نے ٹوئٹ کرتے ہوئے بتایا کہ پارٹی تنظیموں کی تحلیل کے بعد چیئرمین تحریک انصاف عمران خان نے تحریک انصاف کی نئی تنظیم کا اعلان کیا ہے۔

فواد چوہدری نے کہا کہ اسد عمر تحریک انصاف کے نئے سیکرٹری جنرل ہوں گے، پرویز خٹک خیبر پختونخواہ، علی زیدی سندھ، قاسم سوری بلوچستان، شفقت محمود پنجاب اور خسرو بختیار جنوبی پنجاب کے صدور ہوں گے۔

فواد چوہدری نے مزید بتایا کہ چیئرمین تحریک انصاف جناب عمران خان نے عامر محمود کیانی کو پارٹی کا ایڈیشنل سیکرٹری جنرل نامزد کیا ہے۔

میڈیا کے مطابق وزیراعظم عمران خان نے کے پی بلدیاتی انتخابات میں شکست پر تمام ارکان قومی اسمبلی، صوبائی اسمبلی اور کور کمیٹی ممبران کو سخت ہدایات جاری کی ہیں کہ تمام پی ٹی آئی رہنما بھرپور محنت کریں، پنجاب سمیت تمام صوبوں میں بلدیاتی انتخابات میں سخت محنت کی جائے۔

وزیراعظم نے اپنے آبائی حلقے سمیت تمام اضلاع کے رہنماؤں اور ارکان کو متحرک ہونے کی ہدایات جاری کی ہیں۔ پی ٹی آئی ارکان کو تحصیل سطح سے ضلع اور ڈویژنل سطح تک سخت احکامات دیئے گئے ہیں۔

واضح رہے کہ وزیراعظم عمران خان نے خیبر پختونخوا کے بلدیاتی انتخابات میں شکست پر گزشتہ روز پی ٹی آئی کی تمام تنظیمیں تحلیل کرکے ایک نئی 21 رکنی آئینی کمیٹی تشکیل دی ہے۔

۔۔۔۔۔۔۔۔۔۔۔۔۔۔۔۔

نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ