لاک ڈاؤن ٹائم خیبرپختونخوا

پشاور - خیبرپختونخوا حکومت نے صوبے بھر میں کاروباری اوقات کار محدود کرنے کا باضابطہ نوٹیفکیشن جاری کر دیا ہے۔ نئے احکامات کے مطابق پشاور سمیت تمام ڈویژنل ہیڈکوارٹرز میں مارکیٹیں رات 9 بجے بند کر دی جائیں گی، جبکہ دیگر اضلاع میں بازاروں کو رات 8 بجے تک بند کرنے کی ہدایت کی گئی ہے۔

صوبائی حکومت کی جانب سے جاری کردہ اعلامیے کے مطابق ریسٹورنٹس اور کھانے پینے کے مراکز رات 10 بجے تک کھلے رہ سکیں گے، تاہم اس کے بعد صرف ہوم ڈیلیوری اور ٹیک اوے سروس کی اجازت ہوگی۔ اسی طرح شادی ہالز اور مارکیز میں ہونے والی تمام تقریبات کو بھی رات 10 بجے تک محدود کر دیا گیا ہے۔

ضرور پڑھیں: مشاورتی اجلاس: سمارٹ لاک ڈاؤن کی مخالفت، کفایت شعاری اقدامات کا عزم

حکام نے واضح کیا ہے کہ میڈیکل اسٹورز، اسپتالوں اور ہنگامی خدمات (ایمرجنسی سروسز) پر ان پابندیوں کا اطلاق نہیں ہوگا۔ اس کے علاوہ زرعی، تعمیراتی اور صنعتی یونٹس اپنے معمول کے مطابق کام جاری رکھ سکیں گے۔ تندوروں کو صرف روٹی اور نان کی تیاری و فروخت کے لیے کھلے رہنے کی اجازت ہوگی، جبکہ پیٹرول پمپس کو بھی صرف ایندھن کی فراہمی تک محدود رکھا جائے گا۔